Restas apenaŭ 50 tagoj ĝis la unika Seminario pri la Literaturo de Esperanto – kaj ankoraŭ eblas aliĝi! <br>

Kie: Universitato de Louisville, Louisville, Kentucky (Usono). <br>
Kiam: sabato-dimanĉo, 26-27 februaro 2011 <br>
Sub gvido de:

Ulrich Becker, poeto kaj eldonisto <br>
Duncan Charters, lingvisto <br>
Humphrey Tonkin, kritikisto <br>
Tim Westover, novelisto <br>
Tempogamo: La seminario komenciĝos matene la 26-an de februaro kaj finiĝos tagmeze la 27-an de februaro. Ĝi parte koincidos kun la 39-a Konferenco pri Literaturo kaj Kulturo depost la Jaro 1900, organizita de la Universitato (http://www.thelouisvilleconference.com), kaj al kiu oni rajtas aliĝi kiel vizitanto kontraŭ $10 tage. <br>

Loko: Salonoj de la Universitato de Louisville. <br>

Lingvoj: La lingvoj de la seminario estos Esperanto kaj la angla. <br>
Tranoktado: Pri hoteloj vidu la retpaĝaron de la konferenco. <br>
Aliĝo: $35 ($15 por studentoj). Vi povas pagi la aliĝkotizon sur la retpaĝo de Esperantic Studies Foundation, sekcio "Donacu Rete": klaku la Paypal-butonon por "Esploraj Iniciatoj" (plej sube sur la paĝo). Bonvolu anonci al la organizantoj vian deziron partopreni: <br>

bonnie.fonsecagreber (ĉe) louisville.edu <br>
tonkin (ĉe) hartford.edu <br>
chez.grebeli (ĉe) gmail.com